Совети за СМС флертување

by **Manakence_SK** Пон Јун 08 2009, 19:54

Авторките на книгата ,,Флертување“ Дебора Годстајн и Оливија Баниушевиќ мислат дека при праќањето на флертувачки СМС пораки би требало да се придржуваме кон некои правила.

Најважно е времето

Предолгото размислување праќа лош знак. Тоа е случај кај оние парови кои само што се запознале. Поради тоа се препорачува пораката да ја пратите што поскоро. Така ќе дадете знак дека сте заинтересирани.

Кога да се прати

Пратете ја пораката во пристојно време. Никогаш не праќајте пораки по 22 часот.

Директно на целта

Не обиколувајте, бидејќи СМС пораките се популарни токму затоа што се кратки и директни. Ако сакате да флертувате на ваков начин морате да научите како се пишуваат кратки и ефективни реченици.

Праќајте ги во трезна состојба

Кога сме под дејство на алкохол најчесто не сме најпаметни и можеме да напишеме некоја глупост за која што ќе се покаеме.

Во четири очи

Кога сакате да изјавите љубов или пак да раскинете љубовна врска не го правете тоа преку СМС порака. За таквите нешта ви е потребен разговор во четири очи.

Дискреција

Ако се допишувате со повеќе лица не го оставајте телефонот на масата додека одите на состанок и не дозволувајте лицето со кое што сте излегле да ги проверува вашите пораки.

Проверете што праќате

Сите пораки во кои што флертувате или праќате секси слики треба да бидат убаво проверени. И уверете се дека тоа е вистинскиот број на личноста.

Извор: ИДИВИДИ