Зошто Реал може да си ги дозволи Кака и Роналдо?

Сигурно многумина се прашуваат која е реалната причина што Реал МАдрид може да си дозволи луксуз за купување фудбалери како Кака или Роналдо сега, или пак фиго, Зидан, Бекам порано... Зошто тоа на пример да не може да го направи Милан, или Манчестер, па дури и Барселона... Секако дека и останатите големи европски клубови изминатите години купуваа скапи фудбалери, но ерата на Перез, во првиот нејзин чин, па и сега ги надминува стандардните трансфер суми...

Прво, Реал Мадрид има трет најголем стадион во Европа. Нема приходи од влезниси како Манечстер на пример, но сепак во однос на многу големи клубови, приходите од влезници се поголеми.

Маркетинг пристапот во однос на приходи како резултат од продажба на дресови, но и други сувенири поврзани со фудбалерит, Реал го има разработено речиси до перфекција. Само од Кака, се очекуваат приходи од околу 40-50 милиони Евра во наредните 5 години... Реал има одлично разработено маркетинг стратегија за настап и на други контитенти, благодарение на што се оставруваат дополнителни високи приходи.

Договорот на Реал Мадрид со кој се прокриени телевизиските права е убедливо најповолен за клубот, секако во однос на останатите клубови. Реал со агенцијата Медиа ПРО има седумгодишен договор во износ од 150 милиони евра по сезона, благодарение на што клубот има високи приходи и конкурентска предност во однос на останаатите клубови.

Ако на тоа се надоврсе и законската регулатива во Мадрид, каде Реал е еден вид милениче на градот, па ниту долгови, ниту кредити не можат да го сопрат нормалното функционирање на клубот, излегува дека не е за чудење тоа што Перез успева да земе високи суми од банките, за трансфери или пак за гаранции. Тој не се јавува конкретно како спонзор, ниту пак може да заработи од клубот (за разлика од најголем дел од клубовите во Европа) каде клубот е нечија конкретна сопственост. Реал е регистриран како здружение на граѓани.

Даночната поставеност на законите во Мадрид е таква да Реал за Кака би требало да плаќа помалку данок од Манчестер на пример (доколку го има Кака, за ваква сума) во висина од околу 7 милиони евра годишно, што би значело помалку данок од околу 40 милини Евра за шест сезони.

Многу бизнис, политика, пари... Некој ќе рече фудбалот се игра за голови. Да, точно е. но головите ги постигнуваат фудбалерите, а нив ги купуваат бизнисмените. Следната година асисстенциите и головите на Кака и Роналдо ќе се бројат зад името на Реал.

Додека Барселона се радува на третата Европска титула, Реал ги купи Кака и Роналдо... И ќе ја брка рекордната 10-та Европска круна.

Извор: www.penal.com.mk